Quppersagaq Kalaallit Nunaanni Kisitsisit saqqummerpoq
Kalaallit Nunaanni Kisitsisit nunatsinni inuiaqatigiinni pissutsinut tunngasunik paasiuminartunillu imalik, massakkut tuluttut, qallunaatut kalaallisullu 2020-mut nutartigaalluni saqqummerpoq.
Quppersagaq 40-nik quppernilik paasissutissanik iluaqutaalluarsinnaasunik, assersuutigalugu peqqinnissamut, nunanik allanik niueqateqarnermut, takornariaqarnermut isumaginninnikkullu ikiorsiissutinut tunngasunik imaqarpoq.
Tuluttut suliarineqarnera ukiut tamaasa nunanit allaniit tikittartorpassuarnut, tikeraartulinnut imaluunniit nunani allani attavigisartakkanut nunarput pillugu paasissutissiinermi atorneqarsinnaasunngorlugu tulluarsagaavoq. Tamaattoqartillugulu Greenland in Figures ullutsinni Kalaallit Nunaanni pissutsinut oqimaaqatigiissaakkamik paasissutissiinermut iluaqutaalluarsinnaalluni.
Ukioq manna quppersagaq oqaatsit pingasut atorlugit naqinneqarpoq. Saqqummersitaq Naatsorsueqqissaartarfiup nittartagaani: www.stat.gl –imi aamma pdf-filinngorlugu aaneqarsinnaavoq.
E-maili stat@stat.gl atorlugu inniminniisoqarsinnaavoq imaluunniit oqarasuaat 34 57 70-imut sianernikkut, inniminniinermilu nassiussivissaq piniakkallu amerlassusaat nalunaarutigineqassapput.
Annertunerusumik paasisaqarusuttut Bolatta Vahl, oqarasuaat 34 57 82 imaluunniit Naduk Kleemann oqarasuaat 34 57 78, kiisalu e-maili: stat@stat.gl atorlugit saaffiginnissinnaapput.